Təsərrüfat Oğuz şəhərindən 4 km məsafədə Calut kəndinin aşağı hissəsində yerləşir. Təsərrüfatın ümümi ərazisi 24 sotdur. 8 sotda meyvə bağı salınıb. Meyvə bağı 2016-cı ilin yazında əkilmiş ümumi sayı 70 ədədə yaxın olan müxtəlif meyvə ağaclarından, üzüm tinglərindən və qarağat kollarından ibarətdir. Ferma bir tövlədən, bir anbardan və bir yaşayış evindən ibarətdir. Tövlənin uzunluğu 30 m, eni 10 m-dir. Tövlə qoşa kubiklə hörülüb, yəni divarların qalınlığl 40 sm-dir, içəri hissədən qum və sementlə suvanıb. Çardaq quru yonca və ot kiplərinin yığılmasına hesablandığı üçün hündürlüyü yanlarda 80 sm, orta hissədə isə 3 m-dir. Dam örtüyü paslanmayan 6 m-lik profnastildən ibarətdir. Tikintidə istifadə olunan taxta materialları şamdır. Tövlənin qapıları dəmirdən, pəncərələri isə plastikdir. Tövlə ana keçi və ya qoyunların, onların balaları və toxumluq erkəklərin bütün il boyu saxlanması üçün nəzərdə tutulub. Bundan başqa tövlədə keçilərin elektrik südsağanla sağılması və balaları ilə birlikdə iki baş inək saxlanması üçün də şərait yaradılıb. Tövlənin çardağına təxminən 2000 ədəd yonca kipi yığmaq mümkündür. Divarlarin qalın olması, çardağa isə yonca kiplərinin yığılmasi nəticəsində tövlə yayda çox sərin, qışda isə isti olur. Anbarın uzunluğu 10 m, eni isə 5 m-dir. Evin uzunluğu 12 m, eni isə 5 m olmaqla iki otaqdan, mətbəxdən, dəhlizdən, hamam-tualetdən ibarətdir. Mətbəxin altinda eyni ölçüdə, hündürlüyü 2 m olan saxlanc-zirzəmi inşa edilib. Evin qapı-pəncərələri plastikdir. Evdə stol-stul, divan-kreslo dəstləri, çarpayı, bahalı mətbəx mebeli, soyüdücü, paltaryuyan, qaz plitəsi var. Dəhlizdə paltar və məişət əşyaları üçün şkaflar quraşdırılıb. Ev əşyaları ilə satılır. Təsərrüfatın tikintisində istifadə olunan bütün materiallar yeni və keyfiyyətlidir. Təsərrüfata daimi bulaq suyu çəkilib, tövlənin çardağinda isə bütün təsərrüfatda istifadə etmək üçün 3 ton tutumu olan kapron su çəni yerləşdirilib. Tövlə daxilində su və kanalizasiya var. Evdə isti su "ptiminutka" su qızdırıcısı vasitəsi ilə verılır, soyuq mövsümlərdə isə ev "kombi" sistemi ilə isidilir. Təsərrüfatın həyətində daha bir hamam-tualet var ki, o da isti və soyuq su ilə təhciz edilmişdir. Təsərrüfatda tək və üç fazlı elektrik cərəyanı vardır. Heyvanlarln yemlənməsində istifadə olunan yonca, ot, saman və dənli bitkilərin doğranması üçün olan yem üyüdən dəzgahın mühərriki üç fazli cərəyanla çalışır. Təsərrüfat foto şəkillərdən də göründüyü kimi kəndin aşağı hissəsində, örüş sahəsinə çox rahat çıxışı olan ərazidə yerləşir. Yəni heyvanlar otarılmağa bir başa otlaq ərazisinə çıxırlar. Təsərrüfatın yaxınlığından bütün il boyu kiçik çay axır. Tövlədə bir qədər dəyişiklik etməklə südlük və ya ətlik ( erkək danalar) iribuynuzlu mal-qara da saxlamaq olar. Təsərrüfat yerləşən ərazi həmçinin camış saxlanılması üçün də çox əlverişlidir.
Qiyməti 150 000 manat.