2007-ci ildə fəaliyyətə başlayan və yalnız ölkə daxilində peşəkar yükdaşıma xidmətləri təqdim etməyə başlayan ilk Azərbaycan şirkəti- Gold Transit, innovativliyi ilə diqqəti cəlb edir. 10 illik tarixi ərzində Gold Transit şirkətinin ardıcıl və inkişaf edən istiqamətdə fəaliyyəti hər zaman peşəkar səviyyəsi ilə fərqlənib.
2010-cu ildən həm də sərnişin daşıma xidmətlərini göstərməyə başlayan Gold Transit bu sahədə bir neçə istiqamətdə yerli və xarici müştərilərə müasir səviyyədə xidmətlər təklif edir:
- Turistik nəqliyyat xidməti
Azərbaycanın istənilən bölgəsinə (işğal olunmuş ərazilərimizdən başqa) həm yerli, həm xarici vətəndaşlara, eləcə də şirkətlərə, təşkilatlara yüksək səviyyədə və böyük peşəkarlıqla göstərilən nəqliyyat xidmətidir. Xidmət göstərən bütün nəqliyyat vasitələri son 5 ilde (2012-ci ildən sonra) istehsal olunmuşdur və tez-tez texniki baxışdan keçirilir. Müştərilər həm sedan tipli komfort, biznes, lyuks sinfinden avtomobillər, VIP səviyyəsində mikroavtobuslar (18-20 nəfərlik), Neoplan Cityliner markalı lyuks avtobusları (48 nəfərlik) sifariş edə bilərlər. Bütün xidmətlər təcrübəli və peşəkar sürücülərimiz tərəfindən göstərilir. Gold Transit ilə istirahətiniz nəqliyyatdan başlayacaq!
- İşçi-personal daşımaları
Ölkəmizdə fəaliyyət göstərən yerli və xarici şirkətlərin tələbatı olduğu xidmət sahələrdən biridir. Əsasən uzaqda yerləşən, həmçinin iç vaxtı gec bitən iş yerlərinə əməkdaşların daşınması üçün nəzərdə tutulan bu nəqliyyat xidmətinin müasir dövrdə öz tələbləri var. Gold Transit təhlükəsizlik ilk növbədə olmaqla dəqiq və peşəkar xidmət göstəriciləri ilə də seçilir. Bu xidməti göstərən nəqliyyat vasitələri saz vəziyyətdədir, oturacaqlar 3 nöqtəli kəmərlə təmin olunub, avtobuslarda isitmə-soyutma sistemləri çalışır, onlara GPS vasitəsilə nəzarət həyata keçirilir.
“Shuttle service” üçün Gold Transit ideal partnyordur!
- Hava limani transferləri
Bu xidməti uzun illərdir həyata keçirən Gold Transit ən müasir tələblərə uyğun və hətta innovativ yeniliklərlə müştərilərini hər zaman təəccübləndirməyi bacarır.
Komfort, biznes, lyuks sinfinden təklif olunan avtomobil, mikroavtobus ve avtobuslar son bir neçə ilə aiddirlər.
Bütün sedan tipli avtomobillər su, internetli planşet, yeni jurnallar, çətirlə təmin olunur. Mikro avtobus və avtobuslarda əlavə olaraq mərkəzi monitor müştərilərin ixtiyarındadır. Peşəkar sürücülər müştəriləri uyğun geyimlərdə hava limanında tablo ilə qarşılayır, baqajını daşımaqda və avtomobilə yerləşdirməkdə yardım edir, yağıshlı havada çətir altında müşayiət edir, avtomobilə oturmaq üçün qapını açır. Sürücülərimiz təyyarə enən andan qonaqlar çıxanadək müddətdən asılı olmayaraq onları gözləyir və həm də sonadək qonağı müşayiət edərək yola salır. Sürücülər bütün addımlarını şirkətə məxsus mobil əlaqə vasitəsilə qeyd edirlər, avtomobillərə də GPS vasitəsilə nəzarət olunur. Vacib olan məlumatlardan biri də odur ki, sərnişinlər avtomobildə olduqları zaman baş verə biləcək istənilən xoşagəlməz hadisələrdən sığortalı olurlar. Beləliklə, hava limanı transferi xidmətini də yüksək peşəkarlıqla, müasir, komfortlu formada həyata keçirən Gold Transit şirkəti fərdi və korporativ müştəriləri əməkdaşlıq etməyə dəvət edir.
Əlaqə:
Tel: (012) 5550066
(055) 4500066
[email protected]
www.goldt-transit.com
