Yeni Kəlbəcər tunel layihəmizdə sahə işlərinin icrasını həyata keçirəcək, montaj və kabel çəkilişi işlərində peşəkar olan Elektrik Ustası axtarışındayıq.
Vəzifə Öhdəlikləri:
Tunel daxili ümumi elektrik montaj işlərinin (kabel tavalarının, boruların və s. quraşdırılması) layihəyə uyğun olaraq icra edilməsi.
Orta gərginlik (OG) və alçaq gərginlik (AG) sistemlərinin quraşdırılması, kabel çəkilişi və sonlandırma işlərinin aparılması.
Zəif axım sistemlərinin (rabitə, xəbərdarlıq, məlumat xətləri və s.) montajı və infrastrukturunun qurulması.
Güc və idarəetmə panellərinin (şitlərin) montajı və elektrik bağlantılarının təmin edilməsi.
Mövcud xətlərdə və ya avadanlıqlarda yaranan nasazlıqların aşkar edilməsi və operativ şəkildə aradan qaldırılması.
Tələblər:
Elektrik işlərində elektrik ustası kimi ən azı 10 il iş təcrübəsi.
Orta gərginlik və zəif axım sistemləri üzrə praktiki biliklər və sahə təcrübəsi.
Elektrik sxemlərini və layihə çertyojlarını oxuma, sahədə sərbəst tətbiq etmə bacarığı.
Yüksək gərginliklə işləyərkən texniki təhlükəsizlik qaydalarına ciddi şəkildə riayət etmək.
Məsuliyyətli olmaq və rəhbərliyin verdiyi tapşırıqları operativ şəkildə yerinə yetirmək.
İş Şəraiti:
Əmək haqqı: Təcrübə və bacarığa əsasən müsahibə əsnasında təyin olunacaqdır.
Təminatlar: Qidalanma və yaşayış yeri (yataqxana) şirkət tərəfindən təmin edilir.
İş yeri: Kəlbəcər
Maraqlanan namizədlərdən CV-lərini [email protected] elektron poçt ünvanına göndərmələri xahiş olunur.
